2024/2025-oʻquv yili uchun davlat oliy taʼlim muassasalari magistraturasiga qabul boʻyicha magistr.edu.uz elektron tizimi orqali onlayn roʻyxatdan oʻtgan talabgorlarning arizalari koʻrib chiqildi.

   O‘zbekiston Respublikasi Oliy ta’lim, fan va innovatsiyalar vazirining 2024-yil 30-iyuldagi 269-sonli buyrug‘i ijrosini ta’minlash maqsadida, institutga yaqin hududlardagi ijara xonadonlarining sharoitlarini o‘rganish ishlari olib borilmoqda.

   Namangan to'qimachilik sanoati institutida yangi o‘quv yiliga tayyorgarlik ishlari qizg‘in davom etmoqda. O‘quv yiliga tayyorgarlik ishlari o‘quv rejalari va fan dasturlarining ishlab chiqilishi, professor-o‘qituvchilar tarkibini shakllantirilishi, o‘quv yuklamalarini taqsimlanishi, yangi o‘quv yili uchun dars jadvalini tasdiqlanishi hamda axborot-resurs markazida talabalar uchun yaratilgan sharoitlar jiddiy tahlil qilindi.

   Bugun Namangan to'qimachilik sanoati instituti rektori boshchiligida navbatdagi yig'ilish o'tkazildi. Yig'ilishda yangi o'quv yiliga tayyorgarlik, talabalarga yaratilgan sharoitlarni yaxshilash, va ularning ijara xonadonlariga joylashish bo'yicha qator taklif va tashabbuslar muhokama qilindi.

   Namangan viloyati hokimi Shavkatjon Abdurazakov Namangan to'qimachilik sanoati institutiga tashrif buyurdi. Ushbu tashrif davomida viloyat rahbari institutda talabalar uchun yaratilgan sharoitlar bilan yaqindan tanishdi va bir qator muhim masalalarni muhokama qildi.

   Viloyat hokimi institutning zamonaviy talablar asosida jihozlangan laboratoriya va o‘quv xonalarini ko‘zdan kechirdi. Ushbu laboratoriyalar va o'quv xonalari talabalarga nazariy bilimlarni amaliyotga tatbiq etishda katta yordam beradi. Shavkatjon Abdurazakov dizayn fakulteti o‘qituvchilari bilan suhbatlashib, bir qancha takliflarni bildirdi.

   Namangan to'qimachilik sanoati instituti hududida 400 o‘rinli talabalar turar joyi binosining qurilish ishlari yuqori sur'atlar bilan olib borilmoqda. Viloyat hokimining o‘rinbosari Murodxujayev G‘ulomjon Sobitxujayevich qurilish jarayonlarini ko‘zdan kechirib, kerakli maslahat va tavsiyalarni berdi.

   Ushbu yangi talabalar turar joyi binosi zamonaviy me'moriy yechimlar asosida qurilmoqda. Binoda keng va yorug‘ xonalar, o‘quv va dam olish zonalari, sport maydonchalari va boshqa zarur infratuzilma obyektlari mavjud bo‘ladi. Bu talabalar uchun qulay sharoitlarni yaratishga xizmat qiladi.

   Bugun Namangan to'qimachilik sanoati instituti rektori boshchiligida Dizayn kafedrasi bilan "Saodat sanoat servis" korxonasi o'rtasida kafedra filialini tashkil etildi va memorandum imzolandi. Unga ko'ra "4+2" dasturi , ilmiy amaliy ishlar,mahsulotlar turini kengaytirish va raqobatbardosh kadrlarni tayyorlash ko'zda tutilgan.

   4+2 dasturi asosida talabalar korxonada bevosita ishlab chiqarish jarayonlarida ishtirok etib, o'z bilimlarini amaliyotda mustahkamlaydilar. Bu hamkorlik kadrlarning raqobatbardoshligini oshirishda va ularning yuqori malakali mutaxassislar bo'lib yetishishida katta ahamiyatga ega.

   “Oʻztoʻqimachiliksanoat” uyushmasi mas'ullari Namangan to‘qimachilik sanoati institutida bo'lib, institutning yangi o‘quv yili uchun tayyorgarlik jarayonlari va talabalarga yaratilgan shart-sharoitlar bilan yaqindan tanishishdi.

    Filialni tashkil etishdan ko‘zlangan asosiy maqsad, korxonada kadrlarga bo‘lgan ehtiyojlar asosida raqobatbardosh kadrlarni tayyorlash tizimini yo‘lga qo‘yishdir. Institut rektori Qurbanali Xoliqov boshchiligida qator mutasaddilar bilan birgalikda muhim kelishuvlar amalga oshirilmoqda.

   Namangan to‘qimachilik sanoati institutida talabalar turar joyi qurilish ishlari jadal sur’atlarda davom etmoqda va navbatdagi muhim bosqichga qadam qo‘ydi. Institut rektori, professor Qurbanali Xoliqov qurilish jarayonlarini yaqindan ko‘zdan kechirdi va ishlar bilan tanishdi.

   Rektor Qurbanali Xoliqovning ta’kidlashicha, yangi talabalar turar joyi binosi talabalar uchun qulay yashash sharoitlarini yaratish va ularning o‘quv jarayonlarini yanada samarali tashkil etish maqsadida barpo etilmoqda. Ushbu loyiha institutning ustuvor vazifalaridan biri bo‘lib, talabalar uchun zamonaviy va qulay yashash muhitini ta’minlashga qaratilgan.

   Qurilish ishlari davomida zamonaviy qurilish texnologiyalari va yuqori sifatli materiallardan foydalanilmoqda. Bu esa binoning tez va sifatli qurilishini ta’minlab, talabalar turar joyining ishonchliligini oshiradi.

Rektor Qurbonali Xoliqov, talabalarning yashash sharoitlarini yaxshilash va ularning o‘quv jarayoniga qulaylik yaratish institutning ustuvor vazifalaridan biri ekanligini alohida ta’kidladi. Ushbu yangi talabalar turar joyi binosi, talabalar uchun zamonaviy, qulay va xavfsiz yashash sharoitlarini yaratib, ularning ta’lim olish jarayonini yanada samarali va qulay qiladi.

   Bu kabi yirik loyihalar orqali institut, nafaqat ta’lim sifatini oshirish, balki talabalarning umumiy hayot sifatini ham yaxshilashga qaratilgan muhim qadamlarni amalga oshirmoqda. Talabalar turar joyi qurilishining tez va sifatli olib borilishi, institutning talabalarga bo‘lgan e’tiborining yorqin namunasidir.

   Oliy va professional ta’lim muassasalariga kirish test sinovlarida ishtirok etgan abituriyentlar 2024-yil 27-iyuldan 10-avgustga qadar 15 kun davomida oliy ta’lim muassasalari va ta’lim yo‘nalishlarini tanlashlari lozim. Buning uchun my.uzbmb.uz platformasining “Oliy va professional ta’lim muassasalariga qabul” bo‘limiga kirib, “Xizmatdan foydalanish” tugmasi bosiladi va “OTM tanlash” bo‘limiga o‘tiladi. Dastlab abituriyent “Tanlov ustuvorligi” va “Maqsadli qabul” bo‘yicha o‘z tanlovini amalga oshiradi. Shundan so‘ng abituriyent test topshirgan fanlar majmuasi va ta’lim tiliga mos bo‘lgan beshtagacha oliy ta’lim muassasasi va ta’lim yo‘nalishini ta’lim shakli bilan birga tanlaydi.

Namangan to‘qimachilik sanoati instituti rektori, o‘quv ishlari bo‘yicha prorektori va boshqa mas’ullar 2024/2025-o‘quv yiliga tayyorgarlik doirasida "TERRY JAR TEXTAILE" MCHJ korxonasiga tashrif buyurishdi. Tashrif davomida, Kosonsoy tumani Na’muna kichik sanoat hududida “Ilg‘or to‘qimachilik muhandisligi maktabi” filiali tashkil etish bo‘yicha memorandum imzolandi.

Memorandumning asosiy maqsadi yuqori malakali muhandis-texnolog va mexaniklarni tayyorlash, texnik-texnologik yo‘nalishlar bo‘yicha ilmiy tadqiqotlarni amalga oshirish, hamda innovasion ishlanmalarni tijoratlashtirishni jadallashtirishdir. Shuningdek, memorandumda quyidagi vazifalar belgilandi:

   Ishlab chiqarishga innovatsion yechimlarni joriy etish, yangi assortimentdagi raqobatbardosh mahsulotlarni tayyorlash orqali ichki va tashqi bozor hududlarini kengaytirish bugungi kunning dolzarb masalasidir. Namangan To‘qimachilik Sanoati Instituti tayanch doktoranti O‘g‘iloy Turdiyeva charm mahsulotlari turini kengaytirish va innovatsion texnologiyalarni joriy etish borasida izlanishlar olib bormoqda.

  Uning tadqiqotlarini olib borayotgan "Botir Muhammad Ali" MChJ korxonasi faoliyati bilan tanishish, korxona raxbari tomonidan yaratilgan sharoitlar hamda raxbarlar fikrlarini bilish maqsadida, institut rektori Qurbonali Xoliqov, prorektor Zokirjon Erkinov va mutasaddilar ishlab chiqarish korxonasiga tashrif buyurdilar.

    Institut rektori Qurbonali Xoliqov, prorektor Zokirjon Erkinov va mutasaddilar ishlab chiqarish korxonalarida doktorantlar va magistrantlar faoliyatini o‘rganmoqdalar. Navbatdagi manzil "Iftixor kiyim sanoat klaster" MChJ korxonasi tomonidan Davlatobod innovatsion tumanida tashkil etilayotgan yirik to‘qimachilik korxonasida tadqiqot olib borish bilan birga o‘z tajribasini orttirayotgan institutning 2 bosqich tayanch doktoranti Shokir Abdullayev faoliyatini o‘rganish bo‘ldi.

   Doktorant o‘z tadqiqotlarini ishlab chiqarishga tatbiq etish barobarida bu yerda xorijiy mutaxassislardan zamonaviy texnologiyalarni boshqarish va ularni sozlash amaliyotini o‘rganayotganligi quvonarli holat.

     Namangan to‘qimachilik sanoati instituti faoliyatining dastlabki kunidan viloyatdagi yirik ish beruvchi va yangi ish boshlagan korxonalar bilan faol hamkorlikni amalga oshirib kelmoqda. Korxonalar zamonaviy jihozlar yordamida mahsulot ishlab chiqarilayotganligiga qaramasdan, ularda yangi assortimentdagi, import o‘rnini bosuvchi hamda eksportbop mahsulotlar ulushini oshirish borasida ilmiy yondashuvga va muammolar yechimining ilmiy asoslariga ehtiyoj ortib boraveradi.

Namangan To‘qimachilik Sanoati Instituti rektori, texnika fanlari doktori, professor Qurbonali Madaminovich Xoliqov boshchiligida 2024-2025 o‘quv yiliga tayyorgarlik ko‘rish doirasida hamkor korxonalarda tashkil etilgan kafedra filiallari va “Ilg‘or To‘qimachilik Muhandisligi Maktabi”ning faoliyati ko'zdan kechirildi.

Jarayonalar davomida rektorimiz boshchiligida institut vakillari to‘qimachilik sohasidagi yetakchi korxonalar – “NT Holding” “To‘qimachilik Sanoati Mahsulotlari Texnologiyasi” kafedrasining filiallarini yaqindan o‘rganishdi. Bu filiallarda yuqori kurs talabalari uchun “4+2” modeli bo‘yicha o‘quv jarayoni tashkil etilgan bo‘lib, talabalar nazariya va amaliyotni bir vaqtda o‘rganish imkoniga ega. Shuningdek, “Ilg‘or To‘qimachilik Muhandisligi Maktabi”da yuqor malakali muxasdislarni tayyorlash va ilmiy xodimlarning tadqiqotlarini tashkil etish uchun yaratilgan sharoitlar ham ko‘zdan kechirildi.

Xususan, oliy ta’limga qamrov, sifatli kadrlar yetishtirib chiqarish, ilg‘or muhandislik maktabi faoliyatini takomillashtirish, korrupsion holatlarni har qanday ko’rinishini oldini olish, o‘qituvchilarni taqsimoti va yangi o‘quv yiliga tayyorgarlik, ma’naviy-ma’rifiy ishlarga alohida e’tibor qaratish, ilm maskanini yangi o‘quv yiliga munosib tayyorlash, tyutorlarni tanlashga malaka-ko‘nikmasini ko‘rib chiqish kabilar kun tartibidan joy oldi.

 institut hududida davlat-xususiy sheriklik DXSH asosida qad rostlayotgan 400 oʻrinli talabalar turar joyi binosining qurilish jarayonini ko‘zdan kechirdi.

Ushbu talabalar turar joyi binosi, talabalar uchun zamonaviy va qulay yashash sharoitlarini yaratish maqsadida bunyod etilmoqda. Qurilish jarayonida zamonaviy arxitektura va qurilish texnologiyalari qo'llanilmoqda, bu esa binoning sifatli va uzoq muddat xizmat qilishini ta'minlaydi.

Namangan to'qimachilik sanoati instituti rektori, professori Qurbanali Xoliqov, institut hududida DXSH asosida qad rostlayotgan 400 oʻrinli talabalar turar joyi binosining qurilish jarayonini ko‘zdan kechirdi.

Qurilish ishlari boshlanganiga ko‘p bo‘lmagan bo‘lsa ham, hozirgacha amalga oshirilgan ishlar rektori tomonidan ijobiy baholandi. U qurilish jarayonida ko‘rilayotgan rivojlanish va bajarilgan ishlarning sifatiga alohida e’tibor qaratdi.

Institut rahbariyati tashrifi davomida quruvchi tashkilot "Ixtisoslashgan qurilish ta'mirlash" MCHJning vakillari bilan uchrashib, loyihani belgilangan muddatlarda yakunlash bo‘yicha muhim ko‘rsatmalar berdi. Qurilish ishlarini o‘z vaqtida va sifatli yakunlash mas’uliyatini yuklash bilan birga, rektor xavfsizlik va sanitariya masalalariga ham alohida e’tibor qaratdi.

Bugun Namangan To‘qimachilik Sanoati Instituti rektori, professor Qurbanali Xoliqov, test sinovlari jarayoniga tashrif buyurib, abituriyentlarning ota-onalari bilan samimiy suhbatlashdi. Ushbu uchrashuvda abituriyentlarning imtihon jarayonlarida ishtirok etishi, ularga yaratilgan sharoitlar va kelajakdagi rejalari haqida keng muhokama qilindi.

Bugun, 20-iyul kuni ham, belgilangan hududlarda 2024/2025-o‘quv yili uchun oliy ta’lim muassasalariga kirish test sinovlari bo‘lib o‘tmoqda. Test sinovlari kuniga ikki smenada tashkil etilib, abituriyentlarning bilimlarini sinash va ularning oliy ta’lim muassasalariga qabul qilinishini ta’minlash maqsadida yuqori darajada o‘tkazilmoqda.

Namangan to‘qimachilik sanoati instituti rektori, professor Qurbanali Xoliqov, test sinovlari jarayoniga tashrif buyurib, abituriyentlarning ota-onalari bilan suhbatlashdi. Suhbat davomida ota-onalar yaratilgan sharoitlardan mamnun ekanliklarini, test sinovlarining adolatli va shaffof o‘tishini ta’minlash uchun ko‘rilgan choralar uchun minnatdor ekanliklarini bildirdilar.

Oliy ta’lim, fan va innovatsiyalar vazirining tegishli buyrug‘i bilan 2024/2025-oʻquv yili uchun xorijiy va nodavlat oliy taʼlim muassasalaridan talabalar oʻqishini respublika davlat oliy taʼlim muassasalariga koʻchirish boʻyicha oʻtkaziladigan maxsus sinovlar boʻyicha oʻtish ballari tasdiqlandi.

Institutda "tarmoq-korxona-oliygoh" zanjiri ilmiy tadqiqotlar kо‘rinishida boshlangan Institut ilmiy ishlar va innovatsiyalar bо‘yicha prorektori Zokirjon Erkinov institutning tayanch doktorantlari bilan korxonada amalga oshirilayotgan ilmiy-tadqiqot ishlari samaradorligi hususida davra suxbati о‘tkazdi.

NamTSI rektori Prof. Qurbonali Xoliqov va Prof. Dr. Nurullah Soomro Yildirim Beyazit universiteti tashabbusi bilan Ankara shahrida tashkil etilgan yirik Texnoparkda bo‘ldi.

Hacettepe Teknokent Turkiyadagi eng qadimiy va nufuzli universitetlardan biri, xalqaro reytingida TOP-189 o‘rinni egallab turgan Hacettepe universiteti bilan hamkorlikda Anqara shahrida tashkil etilgan. Hacettepe universiteti mamlakatimizdagi yetakchi universitetlardan biri sifatida ilm-fan, texnika va san’at sohalarida ijtimoiy taraqqiyot va umuminsoniy qadriyatlarga o‘z hissasini qo‘shishda davom etmoqda. Hacettepe universitetining boy bilim va tajribasi Hacettepe texnologiyasini o‘ziga xos qiladigan omillardan biri hisoblanadi. Umuman universitetning texnologik rivojlanish zonasi Hacettepe Teknokentda: unda dasturiy ta’minot, kompyuter va kommunikatsiya texnologiyalari, bank va moliya, elektronika, energetika, sog‘liqni saqlash, farmatsevtika, tibbiyot, mashinasozlik, mashina va uskunalar ishlab chiqarish, aviatsiya, oziq-ovqat, qishloq xo‘jaligi va sanoat sohalarida loyihalarni amalga oshiruvchi tadbirkorlik kompaniyalari joylashgan.

05.06.02-"To'qachilik materiallari texnologiyasi va xom-ashyoga dastlabki ishlov berish"
05.02.03-"Texnologik mashinalar. Robotlar, mexatronika va robototexnika tizimlari"
05.06.04-"Tikuvchilik buyumlari texnologiyasi va kostyum dizayni"
05.06.03-"Teri, mo'yna, poyabzal va terigalentiriya buyumlari texnologiyasi"
05.06.01- "To'qimachilik va yengil sanoat ishlab chiqarishlari materialshunosligi"

Avval xabar berganimizdek, Namangan to’qimachilik sanoati rektori, t.f.d., prof. Qurbonali Xoliqov, xorijiy professori, doktor  Nurilloh Samroo hamkorligida Turkiyadagi Gazi universitetida bo‘lib turibdi.

Universitet Yevropada TOP 300, Turkiyada TOP 10 universitetda bo‘lib, nafaqat Turkiya balki Yevropadagi qator davlatlarga yetakchi malakali kadrlar yetkazib berishi bilan taniqlidir.

Avval xabar berganimizdek, viloyat hokimi boshchiligida delegatsiya Turkiya davlatining qator shaharlarida hamkorlik borasida rasmiy tashrif bilan bo‘lib turibdi. Ushbu delegatsiya tarkibida institut rektori, t.f.d., prof. Qurbonali Xoliqov ham bo‘lib, Turkiyadagi qator OTM va ishlab chiqarish korxonalari bilan hamkorlik borasida kelishuvlarga erishmoqda.

Institut rektorining 11-iyuldagi navbatdagi tashrifi Anqara shahridagi Gazi universiteti bo‘ldi. Universitet rektori, prof. Doktor Musa Yildiz boshchiligidagi rahbariyat bilan samimiy uchrashuvda tomonlar o‘zlarining oliy ta’lim maskanlari to‘g‘risidagi ma’lumotlar bilan o‘rtoqlashdilar.

Делегациямизнинг амалий ташрифи Истанбул шаҳридан бошланди.

Истанбул шаҳри Туркиянинг шимолий ғарбида жойлашган. Умумий майдони 5343 км2. Аҳолиси 15 907 951 (2022 й.). ЯИМ 280 млрд. АҚШ долларига тенг. Йирик денгиз портлари: Хайдарпаша, Амбарлы, Истанбул. Йирик аэропортлари: Истанбул халқаро Аэропорти, Сабиха Гёкчен номидаги Аэропорти.

Namangan to‘qimachilik sanoati instituti o‘z faoliyatini boshlagan davrdanoq Turkiyadagi qator universitet va olimlar bilan hamkorlik aloqalarini yo‘lga qo‘ygan. Buning natijasida turkiyalik Professor Nurilloh Samroo 2023-2024 o‘quv yilida institutda faoliyat olib bordi. 2023- yilning noyabr oyida institut o‘qituvchisi, PhD. Abror Xomidjanov Ege universitetida bir oylik stajirovkada bo‘lib qaytgan.

50 nafardan ziyod abituriyentlar 2 soat davom etadigan amaliy topshiriqlarni bajarishga kirishdilar.
Jarayonlarni bevosita kuzatish maqsadida ota-onalar uchun jonli translatsiya to‘g‘ridan-to‘g‘ri amalga oshirilgan.

Namangan to’qimachilik sanoati institutida kasbiy-ijodiy imtihonlar start oldi.

To‘qimachilik va yengil sanoat dizayni hamda kostyum dizayni yo‘nalishlarida o‘tkaziladigan sinov jarayonlariga yuzdan ziyod abituriyentlar to‘planib ulgurdi.

Xabaringiz bor, joriy yilning 5-iyul sanasidan boshlab Namangan to'qimachilik sanoati instituti ijodiy (kasbiy) imtihonlar o'tkazilishi rejalashtirilgan bo'lib, 2024/2025-oʻquv yili qabuli uchun kasbiy (ijodiy) imtihonlar oʻtkaziladigan hududlarda belgilangan meʼyor talablari asosida tayyorgarlik ishlari yakunlanib, abituriyentlarga barcha shart-sharoitlar yaratildi

2024/2025-o‘quv yili qabulida kasbiy (ijodiy) imtihoni mavjud bakalavriat ta’lim yo‘nalishlariga ro‘yxatdan o‘tgan abituriyentlar uchun imtihonlar respublika bo‘yicha 2024-yil 5–19-iyul kunlari 53 ta oliy ta’lim muassasasida o‘tkazilishi belgilandi.

Namangan to’qimachilik sanoati instituti To’qimachilik mashinalari fakulteti bitiruvchilari uchun yakuniy davlat attestatsiyasi muvaffaqiyatli o‘tkazildi. Attestatsiya jarayonida Korrupsiyaga qarshi kurashish va "Kompleans nazorat" tizimini boshqarish bo‘limi boshlig‘i Abdullajon Usmonov va boshqa mas'ul vakillar ishtirok etdilar. Ular jarayon boshlanishidan avval yakuniy davlat attestatsiyasini o‘tkazish tartibini to‘g‘ri tushunchalar bilan atroflicha tushuntirdilar.