Namangan to‘qimachilik sanoati instituti jamoasi «Yashil makon» umummilliy loyihasida faol ishtirok etdi!





   Namangan to‘qimachilik sanoati instituti jamoasi atrof-muhitni asrash, ekologik muvozanatni mustahkamlash va yashil hududlarni kengaytirish maqsadida boshlangan «Ziyolilar bog‘i»ni barpo etish bo‘yicha bahorgi ko‘chat ekish marafonida ishtirok etdi. Ushbu xayrli tashabbus doirasida institutimiz jamoasi ham jonkuyarlik bilan harakat qilib, o‘z hissasini qo‘shdi.

   Marafon avvalida institutimiz jamoasi sport majmuasi oldida o‘rnatilgan monitor orqali Oliy ta’lim, fan va innovatsiyalar vaziri Qo‘ng‘irotboy Sharipov hamda oliy ta’lim muassasalari rahbarlari ishtirokidagi tantanali ochilish marosimini kuzatdi. Tadbir davomida yashil hududlarni ko‘paytirish, ekologik barqarorlikni ta’minlash hamda yosh avlodga tabiatni asrab-avaylash tuyg‘usini singdirish borasida muhim fikrlar bildirildi.

  Shundan so‘ng institut rahbariyati, professor-o‘qituvchilar, xodimlar va talaba-yoshlar belgilangan hududda 150 tup archa ko'chatlarni ekish ishlarini boshlab yubordi. Mazkur jarayonni samarali o‘tkazish uchun zarur sharoitlar – maxsus kiyim-kechak, agrotexnik asbob-uskunalar va sifatli ko‘chatlar oldindan tayyorlab qo‘yilgan edi.


# # # # # # # # # #

     Tashabbus doirasida institut hududiga yuzlab pavloniya, bodom va gul ko‘chatlari ekilib, yashil muhit kengaytirildi. Ushbu harakat tabiatga ijobiy ta’sir ko‘rsatish barobarida, institutimiz jamoasining atrof-muhitga bo‘lgan mas’uliyatini yana bir bor namoyon etdi.

   «Yashil makon» – bu nafaqat bugun, balki kelajak avlod uchun ham sog‘lom va musaffo muhit yaratish yo‘lidagi muhim qadamlardan biridir! Namangan to‘qimachilik sanoati instituti bu boradagi sa’y-harakatlarni izchil davom ettirishga tayyor!