Namangan to‘qimachilik sanoati institutida 2024-yil 30-oktabrda o‘tkazilgan seminar-treningda sog‘lom turmush tarzi va xotin-qizlar salomatligi mavzulariga alohida e'tibor qaratildi.




  Mazkur tadbirda ishtirok etgan mutaxassislar, xususan, Namangan viloyati tibbiyot birlashmasi reproduktiv salomatlik markazi vakili L.Uralova va markaz terapevt vrachi Z.Majidova hamda Namangan viloyati oila va xotin-qizlar boshqarmasi vakili N. Mamadaliyeva talaba-qizlar bilan uchrashib, ularni sog‘lom turmush tarzi haqida kengroq ma'lumot bilan tanishtirdilar.

  Seminar davomida quyidagi mavzular yoritildi:

- Xotin-qizlar salomatligini saqlash va mustahkamlash: Reproduktiv salomatlik bo‘yicha muhim masalalar, ayollar salomatligini saqlashning muhimligi, profilaktik tadbirlarning roli.
Sog‘lom turmush tarzini targ‘ib qilish: Sog‘lom ovqatlanish, jismoniy faollik va psixologik barqarorlikning salomatlikka ta'siri. Yoshlarga turli zararli odatlardan saqlanishning ahamiyati tushuntirildi.

 


# # # #

- Reproduktiv salomatlik: Ayollarning sog‘lom turmush tarzi uchun zarur bo‘lgan gigiyena qoidalari, sog‘lom hayot tarzi usullarini kiritish bo‘yicha maslahatlar.

- Ruhiy salomatlik: Talaba-qizlarga stressni boshqarish va ruhiy sog‘lomlikni ta’minlash bo‘yicha tavsiyalar berildi, shuningdek, stressni yengillashtirishda sport va dam olishning ahamiyati ta’kidlandi.

  Bu seminar orqali ayollarning salomatligini saqlash va hayot sifatini oshirish uchun zarur bo‘lgan bilim va ko‘nikmalarni rivojlantirishga qaratilgan amaliy tavsiyalar ham berildi. Mazkur seminar-trening talaba-qizlarga sog‘lom va baxtli hayot kechirish uchun zarur bo‘lgan bilim va ma'lumotlarni yetkazishda muhim qadam bo‘ldi.