XORIJIY TALABALARNI JALB QILISH BO‘YICHA ELCHILAR

Namangan to‘qimachilik sanoati instituti ma’muriyati janob Amir Ramzan Chaudhry-ga Institutga xorijiy abituriyentlarni jalb qilishda ishonch bildiradi.

Unga Institut nomidan quyidagi vakolatlar taqdim etiladi:

– Xalqaro ta’limga bag‘ishlangan yarmarkalar, ko‘rgazmalar, konferensiyalar va boshqa tadbirlarda Namangan to‘qimachilik sanoati instituti nomidan qatnashish va ish yuritish;

– xorijiy oliy, o‘rta-maxsus ta’lim dargohlar, maktablar, litseylar va kasb-hunar kollejlariga Institutning vakolatli vakili sifatida tashrif buyurish va targ‘ibot-tashviqot ishlarini olib borish;

– xorijiy talabalarni jalb qilishga qaratilgan marketing kampaniyalarini ishlab chiqish va amalga oshirish, reklama materiallarini yaratish va tarqatish;

– xorijiy abituriyentlar bilan davra suhbatlari, uchrashuvlar tashkil etish va targ‘ibot-tashviqot ishlarini olib borish;

– xorijiy abituriyentlarga Institutdagi talabalarni qabul qilish jarayonlari, ta’lim yo‘nalishlari, o‘qish tartibi, o‘qish summasi haqida ma’lumot berish;

– xorijiy talabalarga turar joy, viza jarayoni va O‘zbekistonga moslashish bo‘yicha maslahat va ko‘rsatmalar berish;