Namangan To‘qimachilik Sanoati Instituti rektori abituriyentlarning ota-onalari bilan uchrashdi




Bugun Namangan To‘qimachilik Sanoati Instituti rektori, professor Qurbanali Xoliqov, test sinovlari jarayoniga tashrif buyurib, abituriyentlarning ota-onalari bilan samimiy suhbatlashdi. Ushbu uchrashuvda abituriyentlarning imtihon jarayonlarida ishtirok etishi, ularga yaratilgan sharoitlar va kelajakdagi rejalari haqida keng muhokama qilindi.

 


# # # # # #

Institut rektori abituriyentlarning ota-onalari bilan suhbat davomida institutning bugungi kundagi yutuqlari, zamonaviy sharoitlari va ta’lim jarayonlarida amalga oshirilayotgan yangiliklar haqida batafsil ma’lumot berdi. Uchrashuvda ta'kidlab o'tilganidek, institutimiz yildan-yilga rivojlanib, talabalar uchun yanada qulay va samarali sharoitlar yaratishga intilmoqda.

Ayniqsa, nuroniy otaxon va onaxonlarning o‘z nevarilari uchun dalda bo‘lish maqsadida abituriyentlar bilan birgalikda test sinoviga tashrif buyurganliklari alohida e'tirofga loyiq. Ushbu fidokor nuroniy otaxonlardan biri bilan institut rektori samimiy suhbat qildi. Suhbat davomida otaxon test markazida yaratilgan sharoitlardan mamnun ekanligini ta'kidlab, barcha abituriyentlarga omad tilashini aytib o‘tdi. Shuningdek, otaxon ta'lim sohasida sifat ko'rsatgichlari yildan-yilga yaxshilanib borayotganligini mamnuniyat bilan ta’kidladi.

Uchrashuv, abituriyentlarning ota-onalari bilan institutning yaqin aloqalarini mustahkamlash va ta’lim jarayonida yaratilgan sharoitlarni yanada yaxshilash maqsadida tashkil etildi.