Namangan To‘qimachilik Sanoati Institutida Germaniyaning sun’iy tola va ip ishlab chiqarish uchun jihoz va ehtiyot qismlar tayyorlovchi «Sossna» kompaniyasi rahbari doktor Sossna bilan video konferensiya shaklida yig‘ilish o‘tkazildi.

  Uchrashuvda sun’iy va sintetik tolalarning mamlakatimiz to‘qimachilik sanoatidagi o‘rni va ahamiyati haqida fikr almashildi. Kelgusida ushbu sohani rivojlantirish uchun zamonaviy texnologiyalarni joriy qilish va malakali mutaxassislarni tayyorlash bo‘yicha dastlabki kelishuvlarga erishildi.

 Yig‘ilishda institut rektori prof. Q. Xoliqov, o‘quv ishlari bo‘yicha prorektor prof. J. Ergashev, «Sossna» kompaniyasining Namangandagi vakili Y. Sodiqov, shuningdek, kompaniya rahbari doktor Sossna ishtirok etdi.