2024-10-21 13:21:00   |      47

   Bugun, 21-oktyabr, O'zbek tiliga davlat tili maqomi berilgan kun sifatida barchamiz uchun alohida ahamiyat kasb etadigan muhim sana. 1989-yilda O'zbekiston Respublikasida ona tilimiz — O'zbek tilining davlat tili maqomi e'lon qilinishi milliy o'zligimizni anglash va mustaqil davlat sifatida o'z o'rnimizni belgilashda katta qadam bo'lgan edi.

   O'zbek tili nafaqat milliy madaniyatimiz va urf-odatlarimizning asosi, balki xalqimizning ruhiyatini, tarixini va intellektual merosini ifodalovchi muhim unsurdir. Til bu bizning milliy o'zligimiz, dunyo sahnasida o'z ovozimiz bilan chiqishimizga yordam beradigan qudratli vositadir.
   Bugungi kunda, O'zbekiston Respublikasi Prezidenti tashabbusi bilan til siyosati yanada rivojlantirilib, O'zbek tilining xalqaro maydondagi nufuzi ortib bormoqda. Yangi avlod ilm-fan, texnologiya, san'at va madaniyat sohalarida ona tilimizda bemalol so'zlashish imkoniyatiga ega bo'lib, zamonaviy bilimlarni o'zlashtirib kelmoqda.

   Hurmatli hamkasblar va aziz talabalar, sizlarni bugungi bayram bilan chin yurakdan tabriklayman. Ona tilimizning nufuzi va mavqeini yanada ko'tarish, uni asrab-avaylash va kelajak avlodga yetkazishda barchamizning hissamiz katta bo'lishiga tilakdoshman.
   Ona tilimiz barhayot, bizning ruhimiz tirik!

   Bayram muborak bo'lsin!

   Hurmat bilan, Namangan to'qimachilik sanoati instituti rektori, professor Qurbonali Xoliqov Madaminovich