Viloyat hokimining yoshlar siyosati, ijtimoiy rivojlantirish va ma'naviy-ma'rifiy ishlar bo'yicha o'rinbosari Namangan to'qimachilik instituti talabalar turar joyi qurilish jarayonlari bilan tanishdi.




   Namangan to'qimachilik sanoati instituti hududida 400 o‘rinli talabalar turar joyi binosining qurilish ishlari yuqori sur'atlar bilan olib borilmoqda. Viloyat hokimining o‘rinbosari Murodxujayev G‘ulomjon Sobitxujayevich qurilish jarayonlarini ko‘zdan kechirib, kerakli maslahat va tavsiyalarni berdi.

   Ushbu yangi talabalar turar joyi binosi zamonaviy me'moriy yechimlar asosida qurilmoqda. Binoda keng va yorug‘ xonalar, o‘quv va dam olish zonalari, sport maydonchalari va boshqa zarur infratuzilma obyektlari mavjud bo‘ladi. Bu talabalar uchun qulay sharoitlarni yaratishga xizmat qiladi.

   


# # # # # # #

   G‘ulomjon Sobitxujayevich binoning qurilish jarayonlarini ko‘zdan kechirganida, ishlar sifatiga alohida e'tibor berish kerakligini, talabalar uchun xavfsiz va qulay sharoitlar yaratish muhimligini ta'kidladi. Shuningdek, binoning zamonaviy standartlarga mos kelishi va ekologik xavfsizligi haqida ham maslahatlar berdi.

   Yangi turar joy binosi talabalar uchun nafaqat yashash joyi, balki bilim olish va o‘z-o‘zini rivojlantirish uchun zarur barcha sharoitlar bilan ta'minlanadi. Bu esa, talabalar hayotini yanada mazmunli va qulay qilishiga yordam beradi. Qurilish ishlari reja asosida amalga oshirilmoqda va belgilangan muddatlarda yakunlanishi kutilmoqda.

   Mazkur yangi talabalar turar joyi binosi institutning infratuzilmasini yanada rivojlantirishga xizmat qiladi va talabalar uchun zamonaviy sharoitlarda yashash va ta'lim olish imkoniyatini yaratadi.