Namangan to'qimachilik sanoati institutida bayram shukuhi




Xalqaro xotin-qizlar kuni bayrami munosabati bilan institutda tantanali marosim tashkil etildi. Unda mehnat jamoasida faoliyat olib borayotgan xotin-qizlar, talabalar ishtirok etishdi.


# # # # # # # # # #

Texnika fanlari doktori, professor, institut rektori Qurbanali Xoliqov o‘z tabrik so‘zida jamiyatda xotin-qizlarning roli ancha ortgani, rahbar ayollar soni kundan-kunga ko‘payib borayotgani, jamiyat taraqqiyotiga ham ular tomonidan munosib hissa qo‘shilayotgani haqida to‘xtalib o‘tdi va bayram bilan barcha ayol-qizlarni samimiy muborakbod etdi.

Shuningdek bayram davomida o‘z faolligi bilan jamoadoshlariga o‘rnak bo‘lib kelayotgan bir guruh ayol xodimalar institut rahbariyatining bayram sovg‘alari bilan taqdirlandilar.

Yakunda el suygan san'atkorlar bayram dasturi nehmoni bo'lishdi. Ayollarni, go‘zallikni ulug‘lovchi kuyu-qo‘shiqlar yarangradi. Sho‘x taronalar ayollarimizni raqs maydoniga chorladi. Marosim chin ma'nodagi bayramga ulanib ketdi.