NamTSI vakillari Gesamtmaschе kompaniyasi ko'magida Germaniyaning Hochschule Hof universitetida bir oylik malaka oshirish kurslarida ishtirok etadi




Xabaringiz bor, (https://t.me/namtsiuz/4019) Namangan to'qimachilik sanoati institutining ilmiy ishlar va innovatsiyalar bo'yicha prorektori Zokirjon Erkinov ayni kunlarda xizmat safari bilan Germaniya davlatida bo'lib turibdi. Insitutimiz prorektori Myunxbergdagi Hochschule Hof universiteti prezidenti professor Jurgen Lehmann bilan uchrashib muzokaralar o'tkazdi.

 


# # # #

Unda xalqaro hamkorlik aloqalarini kengaytirish, institut professor-o'qituvchilarining malakasini Germaniyada oshirish, talabalar almashinuv dasturlarini tashkil etish, birgalikda ilmiy-amaliy konferensiyalar o'tkazish bo'yicha fikrlar almashildi. Muzokaralar davomida joriy yil yakuniga qadar Namangan to'qimachilik sanoati institutining ikki nafar professor-o'qituvchilarini Gesamtmaschе kompaniyasi ko'magida Germaniyaning Hochschule Hof universitetida bir oylik malaka oshirish kurslarida ishtirok etishi bo'yicha kelishuvlarga erishildi.

Ma'lumot uchun Myunxbergdagi Hochschule Hof universiteti shu shahardagi to'qimachilik korxonalariga mutaxassislar tayyorlab beradigan yetakchi oliy ta'lim tashkiloti hisoblanib, o'quv jarayonlari "Dual ta'lim" dasturi asosida kredit tizimida olib boriladi.

NamTSIning ijtimoiy tarmoq sahifalari